[عبدالله الطنيني]

سبع السـّـنين الأخيرة

[poem=font="Simplified Arabic,6,green,bold,normal" bkcolor="transparent" bkimage="" border="double,4,indigo" type=1 line=0 align=center use=ex num="0,black""]
أبيات شعري جات مـن دون تحضيـر=وش عذرهـا وامناسبتنـا كبـيـرة ؟
يطرب لها شعري وغنـا لهـا الطيـر=بيعة حبيب الشعـب راعـي المسيـرة
بالسعـد والتوفيـق والعـز والخيـر=عشنا مـع سبـع السنيـن الأخيـرة
نهظة وطـن وثمـار حكمـة وتدبيـر=في عهد ابو متعـب سديـد البصيـرة
راعـي مسيرتنـا سليـل المغـاويـر=صقر العروبة وابـن صقـر الجزيـرة
يسهر علـى مافيـه للشعـب تيسيـر=وينـام شعبـه بالعيـون القـريـرة
ما فِتْـح بـاب الا ولـه فيـه تأثيـر=للمجـد يسـر كــل دربٍ عسـيـرة
عون الضعيف ومن شكى الفقر والضير=واعطا الحرير الـي فراشـه حصيـرة
وفّر كريـم العيـش للشعـب توفيـر=ودع معـانـاة الحـيـاة الفـقـيـرة
عم الرخا مـن دون نقـصٍ وتقصيـر=من عاهـلٍ عينـه علـى كـل ديـرة
شريعـة سمحـا وعــدلٍ وتغيـيـر=غيّر فسـاد اهـل النفـوس الحقيـرة
(عهد ابشروا) : واقفى اختلاق المعاذير=مـا مـر يـوم الا يجينـا بشـيـره
بشايـرٍ نصطـف فيـهـا طوابـيـر=نطعـم عطاهـا وانتنفـس عبـيـره
تعليمنـا يحظـى بدعـمٍ وتطـويـر=وجّـه بفتـح الجامـعـات الكثـيـرة
كبرى المشاريع انجـزت دون تأخيـر=وتيسّـرت كبـرى الـدروب العسيـرة
مليون مشـروعٍ علـى آقـل تقديـر=فـي كـل عـامٍ والعطايـا غـزيـرة
بنجـدد البيعـة وفـي مقـدم السيـر=أفـرادنـا وشيوخـنـا والعشـيـرة
وارفع بها صـوت الشهـادة وتكبيـر=ويعيـش ابومتعـب ونايـف شويـره
نايف ولـي العهـد لـه كـل تقديـر=أمـن البـلاد آبـو محمـد وزيــره
حطّـم عصابـات الضلالـة وتكفيـر=واهـل الخيانـة والطبـاع الشريـرة
هم قدوة الحكـام حيـث انهـم غيـر=نسـل آل مقـرن للجزيـرة ذخـيـرة
يالله تقيهـم مـن شـرور المقاديـر=وتعـز دولتنـا وشـعـب الجـزيـرة
[/poem]

وسلامتكم