[سعيد بن عبدالله الزهراني]

بسم الله الرحمن الرحيم

البقرة وشريكي الخواجة ( الحلقة الأولى )
كان عندنا بقرة شريناها لغرض الاستفادة من لبنها وسمنها كانت في بداية الأمر أليفة وبعدين توها حملت قالوا الخبيرين بالأبقار في بطنها ( توم ) في شهرها السابع بدأت البقرة تشتد عداوتها وكلما رأت واحد من اهل البيت تارة تنطحه وتارة أخرى ترفس بأرجلها احترنا في بقرتنا على هي ( عين ) أم حظنا العاثر رمانا لقرونها وأظاليفها الشرسة .وأدخل شريك
اشار عليه واحد قال شوف لك من رعاة البقر الأمريكان معك وهم عندهم خبره بالفعل أخذت نصيحة الرجل وجبت الشريك بقيعة ( COWBOY ) ولدها وصارت تنتج حليب وسمن وكل شيء على ما يرام جلس سنة وأخذا إجازة قلنا يمكن بقرتنا روضها الخواجة ولا رايحة تعذبنا فقط كأن من علمها أن الرجل وصل نيويورك قامت ترضع نفسها والذي يقرب منها تناولته بالرفس والنطح قعد الخواجة شهر وإحنا على هذا المنوال ’ رجع الرجال وقلنا إحنا نبغا نفك الشراكة قال ما فيه مشكلة خذوا أولادها وأنا بأخذ البقرة واللبن والسمن من نصيبي والحليب وأنا أقوم بتصديره لكم على هيئة زبد وكذلك ألبان للأطفال بودرة لأن عندنا الإمكانيات وما نأخذه منكم اعتبروه عملية تدوير نصدره لكم ونبيعه عليكم ونكتب لكم بلد المنشأ ونحتفظ ببلد الصناعة فقط .
قلت لماذا ما تأخذ السماد ؟؟ قال لا والله المخلفات خلوها عندكم يمكن تستفيد منه المزارع قلت ما عندنا ثيران نحرث بها قال على شان كذا بأخذ البقرة لمريكا لأن الثيران عندنا كثيره ,, وأنا إذا اخذته يحتاج لها بواخر ويكلفنا رسوم ,, وما عندنا مشكلة إذا ما عندنا سماد عضوي نصنع سماد ما فيه كلسترول لكن المشكلة عندكم .
قعدنا مدة إلا ولحم بقرتنا يباع في الأسواق السعودية على هيئة أستيكات ,, مذكور بلد المنشأ وبلد التصنيع عاد عندهم هناك مسميات للإستيك للشوي ( تي بون – رب آي- نيويوك استيك ) قلت في نفسي سبحان الله راحت بقرتنا عبر البحار إلى امريكا ورجعت في أكياس مغلفة ما عرفت فيها إلا رأسها قرن باقي والآخر مكسور هذه نتيجة البقر التي احرمت أهلها من سمنها ولبنها وحليبها .
والسلام عليكم .