[عبدالمجيد الزهراني]

اهداء : للوالد العزيز , عريفة قرية الدعبة : سعدي بن حسن بن راشد الحرفي , وللدعبة عموماِ , ولأسرة الغرسان .

ملاحظة _ الانصب : احد اكبر جبال زهران الشهيرة .


لا لاح وجهك ياحسن بن راشد
______________

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لا لاح وجهك ياحسن بن راشد=يلوح برّاقه ويرعد رعده
كنّي اشوفك جنب جدي قاعد=وهو يسولف لك بذيك الحدَة
مرحوم يا المتقارب المتباعد=يا الميّت اللّي عاش صيته بعده
يسقي ثرى قبره دنان الراعد=ألين تنبت بالتريسة وردة
كلُ بعقله بسّ عقله زايد=والاّ الرشد كلٍ يعيش برشده
كان الاب الروحي ودفء الجاعد=ويعتبر ولد الجماعة ولده
واقفى وجمر البيت بعده واقد=للضيف والطرقي وراع الرفدة
يابوسعد هاك الكلام الجامد= والزبدة اللي ماوراها زبدة
سلام مني يا البعير الراغد=سمحان سمحان ان رخى وان شدّه
خف الجمل خفه وخفه هابد=له بالرمل غوصة ورسم وهبدة
سلام حار ولابيوصل بارد=عليه وعلى ابوه وعلى جده
صقر الهدد سعدي وصقره هادد=بالريش والمخلب وصوت الهدّة
عزّ الله انك كتف وانك ساعد=وانك ذراعين الرفيق وزنده
رفيق جدّاني بوقتٍ جامد=ونسيبهم وحليفهم في الشدة
عمّر بيوت اخلاق عمّر واجد =بدل عمارات الرياض وجدة
يوم العرافة ناسها تتطارد=لاهي تقوم ولابتقعد عنده
ثقلٍ وكاريزما وقلبٍ واددد=وذوق في اخذ الكلام وردّه
ماكان صدر الدار يمشي فارد=واقرد صدر دار الدعيبي فردة
من لا اسعده عزم الخطل والراقد=يبشر بسعدي بن حسن وبسعده
من شافه متكّي وظهره ساند=يقول : ذا ( الأنصب) متكّي يدّه[/poem]