[بن حكمان]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

لا تحسب أني في ثواني نسيتك=غلطان والله ما قدرت أني انساك
هذا الهوى وانا بقلبي هويتك=سبحان من زوّد غلاتك وسوّاك
لو هو بكيفي في عيوني سكنتك=وأقفل عيوني وأجعل الشوف يرعاك
ما أبغاك ترحل يا الغضي ما طلبتك=أبقى معي لو طيف ويطوّل ابقاك
حرقتني كم مرة ولا حرقتك=والعالم الله وش بعد في نواياك
أبغى سبب هجرك وأنا ما هجرتك=ولازم تبرهن لي وش أسباب فرقاك
يا ليتني من قبل شوفك عرفتك=كان الجهل بك خير من يوم لقياك
برر خطياتك وأنا اللي أدنتك=شكل الهجر والكره طبعك ومبداك
ما قلت رجع مالوفا ما هديتك=وان حد نشدك الشخص هذا وش أعطاك
لا تنكر اللي من سنيني عطيتك=كن وافي وصادق ترى الصدق منجاك
تذكر أني ما بلحظة جفيتك=ولا قدرت أكرهك والا أني اجفاك
هدمت نفسك ما جنيت وهدمتك=وان بعتني ما حد من الناس يشراك
وان خنتني وانا بطبعي وفيتك=تأكد ان الكل ما عاد يبغاك
يا كم صبرت وكم غلطت وسمحتك=أسألك مني ما الخطيات وش جاك
الظاهر أني بالوفا ما قنعتك=لكن عديم إحساس!!! بالحب وش ادراك
وإذا هي الفرقى حلولك وشورتك=ارحل اذا الفكرة بكيفك وبهواك
لكن تذكر... ما بعمري نسيتك=وأسعد سنيني يوم شوفك ولقياك
[/poem]