[عبدالله الطنيني]

يا قطار المشاعر . ليه ما خذت خلّي !!
صوب / سكّة / ملاقانا وذكــرى سنينه


تاه في [بحر غلطاته] و [ موج التغلي ]
ما احترم شيب ماضينا و طــولة يمينه


من فراقه عجزت اوصف اللي حصلّي
انجرفت فـ غبينــه ما وراها غبينــه #


والحزن في حشايه صار ملّي بـ ملّي
والشعور اختنق وين الفرج ! آه وينه


والمواجع لهـا غيمه بت قلبي تهلّـي
زاد وقع المطر يا كم جرحني رنينه ؛


كم تهادت دموعي من جفوني وانا اللّي
ما تبكّيه [ فرقاهم ] ولو هـي حــزينه !


كم يسافر [هجوسي] مبعدٍ عن محلي ؟
و[الاحاسيس] فوضى في زوايا المدينه


كم تصيح المحاني صمت وتقول هل لي؟
من [ مواني ] تخفف حمل ظهر السفينه!


احسب اني قبـاله يــوم اناظـــر لـ ظلّـي
[ الوله ] زاد فـ الشاعر ويفضح كنينه


ارتميت افـ [حضن بوح الفكر] يا لعلي!
آتحرر من [ الضيق ] ويسامح سجينه ,


يا رسولـــي توجّــه يم داره وقل لي !!
كيف فالــه عسـى حالـه بخير وسكينه


ثمّ قلّه رغم بعـدي عن / عيون خلّي /
و/ التغلي / وساعات انتظارٍ ثمينه /


الا طاريـه في [ دكات فكـري ] مهلّي
كم بعث من دموع ومن جروحٍ دفينه؟


فـ انتظاره سنين العمر راحت .. وكلّي
.. والاحاسيس باقي في زوايا المدينه,,


لا يزيد [ الجراح ] ولا يزيد [ التغلي ]
والله الله بـ ,عمر الوصل, واحلى سنينه



لـ : عبــد الله الحديبــي

إليك يا حديبي مع التحيـّة

[poem=font="Simplified Arabic,6,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا نجوم الفرح والخير والسعد هـِلّي =باركي للمولـّع يوم قابل ظنينه

ياحلاوى الملاقا في فم الوقت :حلـّي =بعد مـُر الفراق الي شربنا معينه

وارقصي يا رياحين الخزامى وفـُـلـّي =وانثري عطرك الفوّاح : حول الجنينة

غرّدي يا حمامة في غرام وتجـلـّي =يمكن انك على ما في فؤادي فطينة

ترجميه بْلحونٍ وزوّديني تسلـّي=زوّدي في هوى العاشق وقود المكينة

أو تطيب المواجع وآتسلـّى لعلـّي =يوم عوّد فؤادي كان عنده رهينة

عند من ؟ عند من ردّه علينا وطلـّي =الحبيب الذي قابلت هوّه : بعينه

هوّه الي على عيني سنينٍ مولـّي =حين ولـّى بقينا في حياةٍ مشينة

ردّه الله لمن يرتاح له مايملـّي = يمحي الهم عن قلبه وزال الضغينة

حبّه الي غزاني دون حيٍّ يدلـّي =واقتحم قلعةٍ كانت بقلبي حصينة

وآنا قبل اعرفه قد كان شعري محلـّي =والغزل ماعرفت آحوك صلبه ولينه

وانبرى اليوم شعري بالغزل معربٍ : لي = عن فصيحه وعن غـثـّـه ويعرف سمينه

كنت مسجون لكني تحرّرت يالـّي=هبت في كل رجلٍ حلقتينٍ متينة

يوم عوّد رسولي بالبشاير يهـَلـّي =إنفتح كل بابٍ في دروب المدينة

وقـّف الباني الي فوق برجه يعلـّي =زاح من درب خلـّي ما يعوّق ضعينه

والسرا في شوارع قريتي فاتحٍ : لـّي = والإشارات خضرا والمواقيف زينة

تنتظر طلـّة الغالي وكلٍّ يهلـّي = والمواكب تتالى والوفود الرزينة

إمـّنا طاب جرحي حين قابلت خلـّي = والحديبي بَعـد يرجي فياالله تعينه [/poem]

لـ : عبــد الله الطنيني الشهري (منتديات زهران)

وسلامتكم