[ابو عازب العدواني]

شاعر الجنوب عبد الله اليضاني
يبدع في قصايد النشيد ايضا
وهذه احد روائعه الشعريه <><>~~~


يوم قدر الله ونوخنا ركاب السفر
بيوت الاجواد ماتجفى بخطارها
وشفت بيت جديد وشفت بيت الشعر
وكل عين تبي تضوي على دارها
لكن ياقلب لاتنظر لشي صدر
ورود الاعلام ماهي مثل مصدارها
ماحسب لشي قليل ولا لشي كثر
ودلة الكيف مجذيه على نارها
ولو جلسنا سبوع ولو جلسنا شهر
لكل لحيه كرامتها ومقدارها
ساعة دنا الليل وانساد الظلام وغدر
وباتت الطير مامونه في اوكارها
بدت علي النجوم وغاب عني القمر
ياشينها الليله اللي غابت انوارها
وياحليل الغريب ان كان حظه غبر
لاراح في ديرة مايعرف اخبارها
كل يدل الطريق ويلتقي له مفر
وهو يتوه الطريق ويركب اخطارها
يبات مهموم قلبه في حزون وكدر
ومطيته تنطوي من طول مشوارها


مع تحيات اخوكم ابو عازب