[شذى الريحان]

مفيش حاجة

مانيش عايز خلاص حاجة ولا محتاج انا لحاجة ولو عايز صحيح حاجة مخليتوليش ولا حاجة

عموماً بصوا فيه حاجة ...... هقولها بس محتاج لعقول تفهم..

ولو حاجة مهيش مفهومة او حاجة ....نفسرها بكام حاجة ..

نوضحها بكام حاجة وأهي حاجة مع حاجة هتظهر وتبان لنا حاجة

وانا ما بخفش من حاجة مانيش مسنود ولا حاجة

لكن ما بخفش من حاجة لكن فرضاً لو هقول حاجة هيحصل إيه ... ولا حاجة

هيعملوا إية.... ولا حاجة ولو بعد الشر ..
بعد الشر لو واحد من القاعدين من السامعين من الضالين فِهِم حاجة هَيعملوا إيه ؟!

اكيد برضُه ولا حاجة ....فنتوكل على الستار لوجه الله نقول حاجة فيه

ناس بتعيش علشان حاجة وناس بتموت علشان حاجة وناس بتموت على الحاجة

وناس تديلك الحاجه وهى ليها محتاجة وناس تديلك الحاجة و تاخد قصادها ميت حاجة

وناس تكبر تكون حاجة و ناس تصغر علشان حاجة

وناس منظر ومش حاجة وتلقاه كبير حرس ونفير عليه منظر... وهو جبان وشيخ منصر ولا يبنش عليه حاجة

كلامى يا خلق فيه حاجة ... لحد دلوقتى فيه حاجه؟ كلام عادى وبسيط جداً .. ولا فِهشِ ولا حاجة

ما انا ما أقدرش أقول حاجه صحيح نفسى أقول حاجه وميت حاجه لكن مش قادر اقول حاجة

لأنى لو هقول حاجه ..هييجى ناس بتوع حاجه وياخدونى ورا الحاجة وهو لو سمع حاجه هيعملوهالى ميت حاجه

عموما ... بصو لو حد من القاعدين عايزنى أبلغه بحاجة يقول مايخفش من حاجة

نعم ...... فيه إيه؟ ...لالالالالأ مافيش سرقه ولا تهليب ولا تهريب ولا حاجة

وبتقول إيه...مصمصوا إيه.... وخصخصوا إيه....ده كله كلام مفيش حاجه ... قضية إيه ... ياشيخ روح خلاص مافيش حاجه

حرامى إيه ... ولَكّح إيه ... وهرّب إيه؟ شفافيه مافيش حاجة

وبتقول إيه ... لالالآلأ عيب لافيه تدليس ولاترقيص ولا تدبيس ولا حاجه

سمع مع هس انا حاسس انه فيه حاجة دقيقة سكات لَتبقى حداد انا حاسس انه فيه حاجه

زمنكوا ياخلق فيه حاجه ولازموا كام وميت حاجه ده لو يعنى إذا كان فيه حاجة انا عن نفسى مش حاسس ولا بحاجة ولا متضايق ولا حاجة

سعادتك برضه مش زَيىِ مافيش حاجة ؟ .....
أهه بيقول مافيش حاجة جنابك برضه مش زَييي وعلشان زَييي مافيش حاجة ..
أهه بيضحك بيقول مافيش حاجة



وعهد الله . وعهد الله. وعهد الله ما خللولنا ولا حاجه

بقولك إيه خلاص خلّص وفركش يا اخوانا

مفيش حاجة





اعضاء زهران فهمتوووا حاجة
حتى انا شذى الريحان بقيييت محتاسة ومش فاااااااهمة حاجة