[نسيم السروات]

اقتباس: المشاركة الأصلية كتبت بواسطة شتآتـ      شدي حيلك نسومه ودوري عليها بالرياض خلينا نسوي معها سبق صحفي فوق الرعش بس اخاف ماتخاوينا ولا تعطينا وجه علشان الكعب والله احسها مره مقهوره ولا تحب الكعب بينها وبينه بغضاء ربي يسعدها 😍

خلاص باشد حيلي وأدور عليها لين الاقيها بعون الله .

وأنك لا تأخذين كعب عالي يالمغزولة إذا جينا معها فوق الرعش خذي لك جزمة واطية مافيها كعب

وأنا بأخذ زنوبه أكرم الله الجميع بقوف أم عبد الله ما تتعقد منا وخلينا نلبس لبس الديرة ثياب مكلفة

ومعاصب برتكانية عشان أم عبد الله تفرح بنا وتعطينا وجه نتهرج معها خلاص انتهى الجواب ؟ انتهى الجواب

والله أني فقدت لي كهلة كانت تجيني كل سنة في الجنادرية تقول ولدها مجنون عرضات يجي يشوف العرضه ويعرض

ويأخذ كهلته معه ويطلعها عندنا بالدور الثاني لين تخلص العرضة وربي أنها ونستني بالهروج والقصائد .

وأحلى حاجة إذا سالتني عن شئ قديم جداً وقلت لها ما أعرفه تقوم تعصب علي وتقول أنتي مغزولة لا أنتي من

الأولين ولا من التالين وين أمك أنشدها وتروح تهرج مع أمي وتسحب علي

وأحيانا تقوم ترقص بعصاتها على صوت الزير هههههههه

فديت بعض الكهيل يشرحون الخاطر بالهروج مثل أم عبد الله وشرواها ز