[العندليب]

هذا موقف صار لي قبل ثلاث سنوات ..

بدون مقدمات أترككم مع الموقف..


مره من المرات كنت في أحد شوار الرياض (التخصصي)



المهم


كان معي واحد من أخوياي وكنا جيعانين


المهم إنا وقفنا عند كفتريا


جانا العامل طلبنا


وجالسبن في السياره ننتظر الطلب


القزاز حقي مفتوح


شوي الإ واحد من الشباب مع القزاز



كيفك يابو صالح وش أخبارك مع إبتسامه



طبعا نزلت من السياره هلا والله


كيفك إنت وش أخبارك (ركزوا هنا أكتشفت أني غبي)



المهم الرجال يسأل كيف الشباب وش أخبارهم



طبعا رديت كلهم بخير وأن كيف الشباب


(ورطت نفسي من البدايه)


المهم بدأ يسأل وين أيامك


وأنا أرد موجود بس تعرف الظروف
وإنت وين أيامك (( مازلت أورط نفسي أكثر))




تدون ليش كلت لكم إني غبي
في البدايه؟؟



لأني والله مدري منهو يعني ليش ما أقول ماعرفتك

وبعد الكلام هذا مايمديني هههههه



المهم طولنا والطلب لسى ما جا


وأخذنا نسولف مع بعض وأنا ماني معه أبغى الفكه ((متورط))



المهم في النهايه وبعد مارحت فيها قلت جا الفرج!!!


ليش



لأنه يبغى يمشي وقال أعطني جوالك


المهم


أعطيته جوالي وسجله عنده




وأعطاني رقم وجواله (( ركزوا هنا المصيبه))




كتبت الرقم في الجوال بس بأي اسم أخزنه وأنا ما اعرف الرجال بسلامته



وهو يطالع فيني ويقول وشفيك شكلك نسيت أسمي



قلت أفا عليك لا بس أسمك مكرر عندي وأبغى أشوف لك أسم ثاني..


(( مايدري أني معرفه أصلا عشان أعرف أسمه ))




المهم تعالوا دوروني وقتها ماتلقوني الوجه راح طماطم يعني قوطه




المهم رجعت للسياره والطلب لسى ما جا شغلت السياره ومشيت

وخويي جيعان قال الطلب قلت والله ماتذوه أنا تعشيت قبل شويه

عشى يكفيني عشر سنوات قدام ..



الغريب في الموضوع الى الأن والله مدري منهوا الرجال اللي قلت لكم عليه ..

ملاحظه // الموقف واقعي ولم أبالغ فيه..

الله يخارجنا من ذا المواقف..