[frame="1 80"][/frame][frame="1 80"]
والصلاة والسلام على من خاطبه ربه بقوله : « إنك ميت وإنهم ميتون
« صلى الله عليه وعلى آله وصحبه والتابعين لهم بإحسان إلى يوم الدين ...
رحمك الله يابو عوض ( وهنا )
في فقيدنا الغالي ( الشيخ / محمد بن سحيم الحريري الزهراني
رحمة الله عليه واسكنه فسيح جناته )
قصيدة رثاء
مرحوم ياللي بأول العيد مدفون-¤-
عسى رياض القبر تكسي عظامه
تبكي عليه الناس بقلوب وجفون-¤-
والمرجله واهل الكرم والكرامه
حتى الوفا والطيب جوا به يعزّون-¤-
قالوا نزلنا عقب عالي سنامه
لولا أن صلبه ما ظهر من ظهر دون-¤-
الشاهد الله كان قلنا: عدامه
الشايب اللي ما حنى ظهره لهون-¤-
تقول رجله ما تداني السلامه
يطري عليها لا انتخى جمرها ظنون-¤-
إن الجمر توطاه كنّه خزامه
درب المراجل لو عسر دونه سنون-¤-
باقي لها في كل شبرٍ علامه
فالطيب له شمسٍ مدى اللي يشوفون-¤-
يقصر مداهم ما يجاور ظلامه
"باكورته" هذي وكم قال مغبون-¤-
هذي عمود الحق واطول خيامه
"ونظارته" شافت قبل لا يحسون-¤-
بعض الحلال اللي يشابه حرامه
لو بينهم خيطٍ رفيعٍ عمى عيون-¤-
ما اخطتها عينه واخلفتها ندامه
مامات والأبطال لا مايموتون -¤-
اهل الكرامه والكرم والشهامه
لوماتو الابطال بالبال يبقون-¤-
وتبقى مآثرهم ليوم القيامه
يا (محمد بن سحيم) مكانك النون-¤-
في وسط عينٍ جنّبتها الملامه
مرحوم ياللي كلنا فيك محزون-¤-
كلن تجرّع من فراقك عسامه
مرحوم عدّ الناس واللي يصلّون-¤-
واعداد ما امطر بامر ربي غمامه
[/frame]
رحمك الله يابو عوص
وجعل مثواك الجنة ...