[عبدالمجيد العدواني]

ومن جحد عشرتي يقفي فمان الله

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
صد يا قلب لا تطرد ورى المقفي=ومن جحد عشرتي يقفي فمان الله
واحدٍ صد عني واستغل ظرفي=طردته مهزلة يا قلب ومذله
اتركه بس يقفي وين ما يقفي=درب فرقاه يدري فيه ويدله
عاد لو صدته بتجيب لي حتفي=ما ترجيت له يرجع ابد لـلـه
لان ما فيه امل جو الهوى يصفي=دام سيف المفارق للوصل سله
قد نوى هجرنا من قبل ما يجفي=بان باسلوبه الغامض وفي غله
اولٍ كان لي ومكملٍ نصفي=وراح عقب الغلا ما عادني خله
وانت لا تتعب احساسي ولا حرفي=لاجل ما ينكشف سر الهوى كله
فخل جفني بعد هذا السهر يغفي=مل يسهر بدمعه والسهر مله
وخل جمرٍ توقد بالحشا يطفي=لي سنينٍ وانا كني على مله
والله اني تعبت ولا وقف نزفي=لا تداويت من عله تجي عله
والحمول اتعبتني واثقلت كتفي=وكل ما طاح حمل انصاه واشله
المفارق حصل لا ترتجي يلفي=قد تقهويته البارحة مية دلة
مير يا قلب صد من الهوى يكفي=ومن جحد عشرتي يقفي فمان الله[/poem]
.
.

عبدالمجيد العدواني

.
.