[المُعلم]

بسم الله الرحمن الرحيم

في كل يوم تنزل الى الشارع؛ ذاهباً للعمل او الى السوق او الى اي مكان، لايكاد يخلو مشوارك من ارتفاع في الضغط والسكر وربما تتعارك مع احدهم.. فنرى صوراً سلبية كثيرة في مجتمعنا وانواعاً واشكالاً بعضها مستحدثة ولاتحصل الا في بلادنا..

فمرة يصيبك الجمود حيال احد جيرانك مقفل عليك بالسيارة، او انك راجع من الدوام هلكان وتلاقيه موقف في موقفك "يعني انه يمون" زي هذا وش تسوي به؟؟ ومرة تطلع من البيت رايح مشوار والا قزاز سيارتك مكسور وتسال اولاد الجيران الي كما البساس حول السيارات "وكل واحد فيهم يقول ماهب انا"!! ((هذولا الجيران))

تعال لمن تنزل السوق والى رايح مشوار وسط المدينة، وطول ما انت ماشي تشاهد انواع المخالفات المرورية تجاوز من اليمين بسرعة جنونية، مساقطات بالسيارة غير مبررة، واذا مرة سلمت وقف عند اشارة وشوف واحد موقف بميله "يبغى يلف"، والثاني ماخذ مسارين وواقف "تعطيه بوري يوخر، يأشر لك بيده وش بك" والثالث موقف في مسار الي يبغى يلف يمين "اتحداك تكلمه طلع عربجي"، غير الي رافع صوت المسجل، والي يسب ويلعن،

ودك يكون في حياتنا النظام الذاتي، تدخل بنك والا مطعم شهير والا اي مكان مزدحم بالناس، تلاقي عالم ماتعرف سرى هذا من يمين وهذا من يسار وهذا يغفلك ويزرق، وإلا آخر صيحة واحد فاهم لغة الافغاني وكلمتين وهو مسنع شغله وماشي..

لا اخلاق لا احترام ولا تقدير،، وقبل كل شيء لاخوف من الله..

لا اطيل عليكم فالمواقف كثيرة جداً، ونريد استعراض اسباب هذه المشكلة، وكيف لنا ان نعالجها، حيث ان مجتمعنا من المفترض ان يكون افضل مجتمع في العالم، لتطور المستوى العلمي عند الاكثرية، وانعدام الامية تقريباً، ونحن اهل الدين ان صح التعبير..

اسعد بمشاركة الجميع،، ولكم تحياتي وتقديري،،