[برنس زهران]

****البدع / برنس زهران

بتار لا دق ناقوس الفتن والدخاخين****
( نهد جدر العماله من ورى البن والهيل)
لكن ماني على بعض الفتن زود شاهي
واللاش يرمي بلاه وقال لي اهلك رمونا
والناس ماتنصحه مدري متى ينصحونه

الرد / البتار الخزمري

ماني من اهل المعسّل والشيْش والدخاخين
آنا من العزوه اللي قدّموا البُنّ والهيل
للضّيف بعد الدسم دلّه وبراد شاهي
وقومك اهل الكرم من طيب نهْل اكرمونا
شحْم النجادى تضايق به متاين صحونه

****البدع / برنس زهران

يانخل تعبتني ماشفت حال المجانين
طولك يخلي قوي الحيل هازل وذالليل
ياتمر شفناك من تحت السعف وانت باهي
والناس تاخذ عذوق التمر لا شرفونا
ولا نزل سوقهم قاموا هوا يشترونه

الرد / البتار الخزمري

ماعد لمجنون ليلى صيت بين المجانين
ياكيف بنسى غلا المحبوب وآنام ذا الليل
يازين عذّبتني في غفوتي وانتباهي
ثلاثه اعوام لادقوا ولا شرفونا
الستر له ثوب واصحاب الهوى يشترونه

****البدع / برنس زهران

محبوبي ارسل مسج واحد وجتني مساجين
وبيننا خط واضح قاسه الكيل والميل
هي المنى والمنايا والمرض والدواء هي
ياخزمري قبل اقول احبابنا علقونا****
يقلون راعي الهوى والحب ونايس جنونه

الرد / البتار الخزمري

ياونتي ونت المظلوم بين المساجين
يعاقبونه وهو مظلوم بالكيل والميل
بعض السواهي يجي منها البلا والدواهي
احبابنا يوم في حبل الرجاء علّقونا
كما بريّ(ن) معى قوم الدنا يسجنونه

****البدع / برنس زهران
****
ياخزمري كم قريت من الكتب والدواوين
وغربلتنا مطبات العنا والمواصيل****
والقاء صيود المها فالليل والقاء البراهي
رحلات مقناص ماتحتاج ماء عذبونا****
وصيد بعض الحباري غير هم يقتلونه

الرد / البتار الخزمري

دكتور ماتنفع الوصفات ندري الدواء وين
علاج قلب الهواوي قاطعين المواصيل
ماضُنّ ينفع علاجك لاصبح القلب راهي
ياليتنا ماعشقناهم وما عذّبونا
نعطيهم القلب امانه غير هم يقتلونه

****البدع / برنس زهران

الله وش عيشتي لا كانو اهلي مساكين
كانت لنا مزرعه محصولها دمّرا سيل
واصبحت اقلب يديني حزن والهم لاهي
واصحابنا اللي في القريه علانه جلونا
الشيخ مافاد لا رايه ورايك تبونه

الرد / البتار الخزمري

نسوني احبابي اللي وسط قلبي مساكين
ياكم لي ارسل ولكن ماتودى مراسيل
لهم بقلبي قصور ودور ولهم ملاهي
اخاف الالوان تتغير على نهج لونا
لون الحزن تعرفه واهل الورا يكتبونه

****البدع / برنس زهران

وش رايك امر لك نقفي نصيد البراهين
اعرف محلاتها بين النخل والمحاصيل
ولا ابغي اعيدلك واقول هيا سوا. هي
الناس لاجو من المقناص جو واهبلونا
ذا يقتلي له وذا يمسك وذا يقطعونه

الرد / البتار الخزمري

على هل الظلم ورّدنا الحجج والبراهين
ولاعد ادري وش المنتوج ويش المحاصيل
الناس لايحسبون العفو عنهم سواهي
لاشافوا الخزمري قد زان جوّه بلونا
سيفي بكفّي وراعي الظلم ذايق طعونه

****البدع / برنس زهران

اغرزك بالورود الطايفي والزهارين
وانته صديقاً لنا منته من اهل المعاميل
نساير الكفو في دربه وجلس المقاهي
نعطي وناخذ سلف لا منهم سلّفوّنا
ومون لامان لي رجال ويطيع مونه

الرد / البتار الخزمري

ترى الوفاء والكرم والطيب عند الزهارين
الضيف يلقى الدسم والبن جوف المعاميل
ونشبع الضيف بالترحيب قبل المقاهي
على الوفاء والكرم جدّاننا سلّفونا
حتى اصغر الجيل يلقى الضيف ويطيعمونه