خلاص وكثر الله خير جرحك يابعد دنياي
من اول ياخي لاتفكر تلف بطعنتك وتدور
تبي فرقا ؟ من عيونك اشوف انك تبي فرقاي
عرفتك قبل لاتنطق وجعها بقلبي المبهور
قبل لاتقولها قلبي عرفها وجابها لشفاي
لفحني بردها ارتعشت ضلوعي بقلبي المهجور
قبل لاتروح ابي اجمع من عيونك جميع اشياي
وابي تاخذ من احلامي وهم شيد عليها قصور
بعدها روح ولاتفكر تداري خاطري وياي
ولاتكتف يديك تعيش دور مفارق ومجبور
ولاتبعث عيونك للفضا تدور قمر لرضاي
تحسب انه وسط عمري يطل بوحدتي من نور
خذ الدرب وتوكّل واترك الاشواك لجل خطاي
ولاتهتم في تجميع شظايا قلبي المقهور
تجي بقصور ! عاد الا انت ماقصرت ابد وياي
هدمت احلامي وعمري وتسألني : تجي بقصور
سآلم سيّآر