[انا السليمي]

قد تكون هذي المحاوره معروفه لدى الجميع ولكن لقوة معانيها احببت انقلها لكم وهي بين شاعرين كبيرين وهم الشاعر عبدالواحد بن سعود الزهراني والشاعر ابراهيم الشيخي .وللامانه هناك شخص من أهل مهد الذهب وهو مثلي متذوق للشعر قد ارسلها لي وذلك لحبه لقصائد ابراهيم الشيخي ..



عبدالواحد سعود




ابراهيم الشيخي ..




ابراهيم
سلام ومرحبا والبال صافـي والبـرا مـردود
بـردّيـة وفــا فيـهـا النـفـل والشـيـح والـكـادي
من أول يوم نسمع بسم عبدالواحد ابن سعود
نقـف لـه كلنـا واليـوم عـادي والإسـم عـادي .

عبدالواحد
هلا مليون ممزوجة بريح المستكا والعود
بعون الله وباسم الله ويالله والله البادي
أنا موجود واللي يعتبرني ماني بموجود
يدورني عبث في مملكة عاد بن شدادي.


ابراهيم
هنا تحذير:لاتفهم غلط بـاب الغلـط مسـدود
على قول المثل فوق الشفـا تسعيـن نقـادي
وجودك دون مايلفت نظر مايبلغ المقصود
واظنك بين ضد وضد ماجمعت الاضدادي.


عبدالواحد
أنا فاهم غلط ؟ فاهم غلط مير الخطا مردود
من التسعين نقاد اعتبر سبعين حسادي
أنا موجود فعلا لكن العالم هو المفقود
غريب وراس مالي حفنة من تربة بلادي.


ابراهيم
فــداك الأولــة والثانـيـة والـلـي بـعـدهـا زود
مجاديفك تخض الحبـر رغـم ان البحـر هـادي
ترى مانته محصل في الفضا عالم بدون حدود
يرغّبـك الجبـل لـكـن يخـلـف ظـنـك الــوادي .





عبدالواحد
فداي الافديت اللي يطفي النار بالبارود
ويسكب دم أبوه ويشربه من عنق برادي
أنا كنت أكبر أخواني وما زلت آخر العنقود
أدخل جدي أفضل مدرسة وأقوم لأحفادي .


ابراهيم
كثيـر النـاس تعـرف قصـة ابراهيـم والنمـرود
ولكن هـد مـن روعـك وغيـر موجـة الـرادي
عسى الله لايشرهني من اخوانك وابوك العود
تسبـبـت بوفـاتـك والسـبـب تـاريــخ مـيــلادي .


عبدالواحد
سمعت بقصة النمرود لكن بعد ناقة هود
ذبحها واحد مطفوق ما يحسب لها حادي
تدور الأرض عكس ويصبح الطارد هو المطرود
ويسجن حضرة السجان والصياد ينصادي .


ابراهيم
انا بانشدك وش جابك لذاك المجمع المشهود
عشان الفايـدة والا عشـان الملـح والـزادي؟
نعم ربـك كثيـر وكـل راعـي نعمـةٍ محسـود
جرحت الحنجرة لاعاد ترفع صوت وتنـادي .




عبدالواحد
نسيت المجمع المشهود لكن يا عساه يعود
لأرد الصاع مية صاع وأكثر وأقدح زنادي
خطاي اني حضنت الحية اللي ذيلها معقود
ولكن ما فطنت الا وهي تنهش من أكبادي


ابراهيم
وصولك عند من لايرغبك عرّضك للمنقـود
قفل في وجهـك البيبـان مـن كثـر التـردادي
ترى القانون مايحمي المغفّل والنقا مجـرود
مصيبتك انك ابيض قلب ماتعرف من تعادي




عبدالواحد

عساها بالدمار القلعة اللي بابها مرصود
بنوها للغراب وطاح فيها البلبل الشادي
بياض القلب الابيض يتضح بين القلوب السود
دخيلك لا تعزيني ترا اليوم أجمل أعيادي.



عسى تنال اعجابكم يارب .