[خالد رجب]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من ثقل دم الظروف ومن تهاويلها=اما تهينك ولو ماهانتك تجرحك
واخوك من كثر ماهو مذهل ليلها=على محياه من عامين مات الضحك
بعض التفاصيل ماهو زين تاجيلها= والحمد لله باقي لي عيون المحك
ماجيت اعلمك عن حالي لتاويلها =جيتك وانا خاسر الدنيا وابي اربحك
لو اقدر اوقف الدنيا على حيلها=ماجيت احذرك من ما صابني وانصحك
دنيا دنيه ولا تقدر على ميلها=وان مال حظك فيا شينك ويامقبحك
وان طحت وابدت لك الدنيا غرابيلها=يسبك اللي قبل ماتنكسر يمدحك
ياخوي لاتركب اللي بارد حيلها=اما في اليم وإلا في اللضى تطرحك
ولاتفوه بكلمه شين تاويلها=ولا تكن زند فتنه من يبي يقدحك
ولاتحزم بقطعه ماانت واعي لها=والخنجر ان كان مايحميك لايذبحك[/poem]

خالد رجب