رد: عالـــمي الخاص .. عبدالله الحديبي
قصيدة ] زفرة حشا [
23-2-1434
على جناح الطايرةة تسكن الام
لحظةة موادع بين خلّ وخليله
تلويحةة كْفوفٍ قبل عدة أيام
ضمت بعَض فـ احضان ليلة جميلة
واليوم حدّتهم مقادير الأحكام
وحكم القدر ما فيهم اللي يشيله
لكنّ دام الحظ نايم ولا قام
لابد مَ ينوخ الجمل للثقيلة
حام الوداع وهلّت دْموع الاقلام
وكلٍ رثى حاله ،، وزخرف رحيله
أخذ وعطا نظرات / والنظره اعدام
إحدى ضحاياها [ دموعٍ قتيلة ]
و [ زفرة حشا ] مضمونها خيبة أحلام !!
و [ صمتٍ على شفاه الوصل ] يا حليله
هذي سواة الود لا جاه ليّام
وهذي سواة الودّ لا قل حيله
الود فارس بين الاحباب مقدام
وهمس المشاعر خيل يطرب صهيله
وهرج العواذل فـ القفا [ طعنة حْسام ]
لا صابت الفارس تردّى بـ خيله
ولا قلّ عزم الخيل والفارس أنضام
بانت على وجه الحبايب فشيله
هذا الهوى لابدّ له دمعة هْيام
ولابدّ ما يسري بـ ذيبه * عويله
وهذا الهوى ما زاد حسنه [ تكلّام ]
تزيده أفعال اللقا لو قليله ***
بين المحبين الجفا يكسر عْظام
وإلا الوفا يبري جروحٍ عليله
وجدي وجود أيتام لاعزّوا أيتام
سنّة . لتخفيف الخطوب الجليلة
وتذكروا فرقا أبوهم قبل عام
وتعانقوا ، والدمع ما جف سيله
عقب الذي سافر وفي صدري ألغام
تدوسها الذكرى . ولا معاي حيله
غير القصيد اللي نقشته على اعلام
أزمّله عرضه .. واشيله بشيلة
وأدوّر أنغام الفرح بين الانغام
عجزت كيف ألقاه ومن اين أجي له
وإلا الحزن من وين ما رحت قدام --
وجهي . ومدت يدْه مدّه جزيله
مشيت في سكة رجايه بـ الاقدام
لكن لقيت ان المسافة طويلة
يا خل ياللي شفت من بعدك اسقام
اليوم عقبك يَ الغضي بـ ألف ليله
تكفى تعال وعقّم جْروح الايام
بـ وصالك اللي ما تمنّى بديله
لـ/ عبدالله الحديبي .. !!
ـــــــــــــــــــــــــــــــــــــ
|