|
|
نسأل الله له الرحمه والمغفره ويسكنه جنات النعيم
ونسأله ان يغفر لجميع موتى المسلمين
ماأجمل ان نذكر محاسن موتانا وندعوا لهم كل ماذكرناهم
سالم
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ما الوم جوك لو تضايق يا جده=وما الوم صبحك لو تغير جماله
ولا الوم بحرك لـو بجزره ومده=وقف وموجه ما صفق في رماله
الحزن واحد والصبر فاق حده=نبكي على سالم ومن شوقنا له
صحيح له من يوم مـا مات مده=لكن الين اليوم فـينا غـلى له
نتذكره في كل رجل ٍ نوده=ونتذكره في طـيب خاطر عياله
كريم بين الناس ما فيه نده=الناس فـي كفه وسالم لحاله
يا كثر ما مدت من الخير يده=تعطي يمينه ما درت به شماله
عزيز نفس يـزيد في كيل مده=ما هو من اهـل المصلحه والبخاله
ما قد نصاه انسان يطلب ورده=ولا يعتزي به شخص ٍ الا وفى له
واذا وعد يوفـي ويقضي بوعده=واذا بدا جمّل بوجه ٍ بـداله
ابوه بأيام الشـقى والمكـده=حكيم ما سوى سـواة الجهاله
ابطى يدور في خوالـه وجده=حتى يجي سالم يشابه خواله
ورباه لين اعتد واشتد زنـده=وارسله في دربه ووجه رحاله
وعزالله انه كل مبدى يسده=ما فيه رجم ٍ عالي ٍ ما رقا له
له فكر مثل الصقر محد ٍ يضده=يحوم به لا حان موعـد نزاله
وعلى الثمـينه والسـمينه يهده=حتى بـمخلابــه يحصّل مناله
رحل ولا بين عـلى الناس سـده=ولا لغير الله وجه ٍ رجا له
يا جعل ربي في نعيمـه يمده=في جنة الفردوس والحور فاله
واليه بالغفـران جعله يرده=هو عــالــم ٍ بـــامره وعـــالم بحاله
العمر مهما طـال لله مرده=له الثنا والحمد واعمالنا له
فهني من هو خذ من العمر عده=صلاه واستغفار واحسن خصاله[/poem]
.
عبدالمجيد العدواني
|
|
 |
|
 |
|
صح لسانك ورحم الله والديك شاعرنا المحبوب قصيدة رائعه
وسوف تضاف للموضوع الأصل في الصفحة الأولى
وشكرا لك
جزاك الله خير
سائلاً الله أن لا يريكم مكروه
شاكر ومقدر مرورك الكريم