ياطيف
ياطيف قلي وش هي اخبار خلي
باقي على ماكان والا نساني
يشتاق والا حط واحد محلي
وبسهام غدره والخيانه رماني ؟
وانا بعد فرقاه دمعي يهلّي
والضحكه قلبي عافها من زماني
من بعد ماكان الهوى صافيٍ لي
يسهر بحضني واطربه بالاغاني
الحزن بغيابه لصدري استحلّي
والا الفرح مبطي وهو مالفاني
مافي حياتي شي عقبه يسلّي
الموت ليته قبل يقفي خذاني
من شوفته ياطيف ماكنت املّي
واشتاق له لو غاب عني ثواني
هو نصي الثاني لا والله كلّي
يفدونه كل الخلق قاصي وداني
كل ماتذكرته اوضي واصلّي
لعلي انسى بٌعد عذب المثاني
وكـل ماركـع آتلفّـت لـظلّي
واتوهّم المحبوب جنبي دعاني
رح خبّره ياطيف باللي حصلّي
وبالله قله كيف بٌعده كواني
وانا علي ارفع يدي واستهلّي
واشكي على الله قسوتك يازماني
سامي العويفي