[خالد رجب]

قصيدة لأخي وصديقي الاستاذ خالد مقبل ارسلها لي وتشرفت بالرد عليها وييشرفني ان اضعها بين ايديكم

خالد مقبل

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اشوف صار البلد غابه وزحمة عروش=والناس يتداولون الظلم مدري على ايش
مافيه واحد يفكر في يده وش تنوش=وراعي القصر مايعنيه راعي العريش
ياكم جياع وسببهم تخمة اهل الكروش=لازاحموا الناس كيف الناس تقدر تعيش
ماهم هوامير لا. لاوالله إلا قروش=مو بسك كلونا اكل إلآ انهشونا نهيش
والشعب فقران ويتابع خراب الدشوش=من الفضاوه وقل الحال لازم يطيش
وان صار كل الوظايف من نصيب الطروش=ماهو غريب ان باقي الشعب يشرب حشيش
وشلون نطلب من المسكين يصبح بشوش=والاكل والبيت والمصروف عنده مافيش[/poem]

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ


خالد رجب

[poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو كان عندك قروب وفي رصيدك قروش=سويت لك حزب متطور وسويت جيش
حلمك تصير اول الطابور قايد جيوش=حلم طفولي والاحلام الصغيره تطيش
سلم على شيخك وسلم على برقوش=واقنع براتبك يامسكين خلك تعيش
والبس من الدفه وخذ من ثياب الدروش=وارقد بامان الله وخذ لاهل بيتك جريش
خلك سنافي وخلك يابن عمي بشوش=واركد وخل الخطاوي دايما بالشويش
الحكم والصف اولاول والرتب والعروش=اما لاهل نجد وإلا لاهل بطحاء قريش[/poem]