[رغـــــد]

[poem=font="Simplified Arabic,5,undefined,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
اتمــــــــنى تحوز على رضاكم





يامن زرعت الحب فيني وصدّيت = وش لك بـزرعٍ ماتوفّـى حقوقـه

الغرس لامنـك سقيتـه وروّيـت = يكبر ويتمكّـن وتقـوى عروقـه

واليا هجرته من سواقيك وابطيـت = يموت واقف ماشكى طيح سوقـه

يومك رحلت بدون سِبّه وسجّيـت = تركتنـي مابيـن قلبـي وشوقـه

روّحت واحلامي تناديـك ياليـت = ترجع لخلٍ غاب بعـدك شروقـه

يامعلّمي للحـب وشبـك تخلّيـت = يومك تقول الحب نقـوى حروقـه

ياليتني مصبحت بالوهم وامسيـت = وياليت صدق احساسي اعلن نفوقه

وفيت لك بالحب واثـرك تعاليـت = كبّرت راسك يوم ناظـرت فوقـه

ان رحت واّلا جيت عندي تساويت =منت اول احبابي ولا ني شفوقـه

اهديتك اخر شي والحين هالبيـت = حبك بترته مـن بدايـة عروقـه [/poem]