(( الموت عفّه ))
الله من سجنٍ سكن فيه مسكين
مافيه نورٍ غير شمعات سقفه
ماتسمع الا صوت اهات وانين
وتشوف رجلٍ جرح الخد كفّه
يهل دمعاته من شهور وسنين
صارت عيونه كنها بير جفّه
من الوله والشوق تفجر براكين
والقلب في رجوى حبيبه وشفّه
مافيه غيره شوفته تسعد العين
طهر وحلا ومزوّد الملح عفّه
يقول لو شافت عيوني ملايين
مافيه زولٍ بالحلا جاء بصفّه
اقفى وانا قلبي وروحي مجانين
وعقلي عقب فرقى وليفي استخفّه
ياونتي ونت معاقٍ بلا ايدين
عطشان والماء رافعه فوق رفّه
عليك ياللي تشكي الهم والبين
انا اشهد ان مثلك له الموت عِفّه
سامي العويفي