[شذى الريحان]

[ALIGN=CENTER][TABLETEXT="width:100%;background-color:gray;"][CELL="filter:;"][ALIGN=center]







أمس الخميس من صباح الله خيـر
زوجة رجل تاجر مع زوجة فقيـر
تهاوشن وصار شـي مـا يصيـر
يالله دخيلك من مشاكل ذا الحريـم
سمعت لجتهم وانا وسـط الفـراش
رحنا على الهوشات نتفرج بـلاش
وكان شفت ان راح يجمعنا الهواش
لا والله ابعد وش ابي في سين جيم
طلعت من هـاذ الخلايـق واقفيـن
سألتهم يا ذا العـرب وش شايفيـن
قالو حريـم وبالعصـي متحاذفيـن


قلت ارحم النسوان يالله يـا كريـم
ناظرت في ذيك الوجيـه الكالحـه
الا اعبيهـم والبـراقـع طايـحـه
كن المهاوش صار قبـل البارحـه
كل العرب ما صاب ما فيهم غشيـم



جت زوجة التاجر وقالت يا فـلان
هاذي مره ما شغلهـا الا ليـل دان
صوت المسجل عندها طول الزمان
واهي تغني صوتهـا يطلـع مديـم
واحنا فـلا يوجـد مسجـل عندنـا
مـا هـو بعيـب لا والله ودنــا
لكن مـع الامـوال نبـذل جهدنـا
نحسب تجارتنا على الشكل السديـم
لا شك لا جاء الليل حطتلي عتاب
ولا خلـف ولا سميـره او رباب
نسمع مسجلهم ونغلـط بالحسـاب
واحنا قرأيتنا على الشكـل القديـم



من عقبها جت زوجـه ذا الفقيـر
قالت تفضل وادخل البيت الصغيـر
فنجال شاهي او تبي واحد عصيـر
ترى الكلام يطول وزوجي لك فهيـم
يوم دخلت البيت انا شفت العجـب
شفت الحياة الي لها قلبـي رغـب
هلـت بنـا وباشرتـنـا بــأدب
يا ليتنـي فـي بيتهـم دايـم مقيـم
قالت ترانا عايشيـن احلـى حيـاة
وش عاد لو نسمع جميع الاغنيـات
نطرب وتالي العمر عز الله نمـات
وهمنـا اعطينـاه للجـار اللئـيـم



فكرت اروح لبيت الشخص الغنـي
واجهت عند الباب شايـب منحنـي
مسـك بثوبـي يالله انـه هـدنـي
يقول رايح وين يا ابليـس الرجيـم
قلت يا شايب قـال يعلـك تشيـب
قلت يا طيب قال يا علك ما تطيـب
قلت اسقني ماء قال مطلوبك صعيب
عساه مـا يفـرح بجنـات النعيـم
قلت انت يا ذا العود ظني ما تشوف
قال انعمي لا شفت قدامي ضيـوف
قلت انـا املـك ملاييـن واللـوف
جيت اشتري بضايع منكم يا حليم
قال مـا ودي تطـول عندنـا
قلـت العفـو ربـع ساعـه حدنـا
ابشـرك مانـي بقـايـل غـدنـا
انا سعودي ومسكني وسط القصيـم
اقبل على مجلس اجداره لـي انـا
يسأل عن المفتـاح يـا مـن عينـا
قالو له المجلس مسكر مـن سنـا
العام يوم ان زارنا ضيـف كريـم
البيت من داخل مثل حـوش الغنـم
وراعي البيت الغني مثـل الصنـم
دشداشتـه متشققـه وحافـي قـدم
عساه دايـم مـن ذا الدنيـا عديـم

[/ALIGN][/CELL][/TABLETEXT][/ALIGN]


عيسى الاحسائي