[عذبة الاوصاف]

مالوم قلبي لو غرق في غلاها .. ذيك الفتون اللي ملت وجْه كوني

سبحان منهو بالبياض أصطفاها .. لين أصبحت لون الحياة بعيوني

إذا زعلت كل شي يزعل معاها .. وإذا رضت يشرق رضاها بلوني

الحرف إلى منّه سرى في شفاها .. خطْر يْتفجّر من جنونه جنوني

الصبح ينسج طلّته من بهاها .. وكنه يقول بحسنها دثّروني

كن العطر مستخلصٍ من شذاها .. وحلوق غرشاته تجود بْفتوني

ياعيونها اللي عام قدري بماها .. يادموعها اللي في بعادي بكوني

ياليلها .. يابردها .. يادفاها .. ياوراقها ياحروفها اللي عنوني

يارْسمها ياحسنها اللي كساها .. وباقي تفاصيل بها حيّروني

يالطفها .. ياطهرها .. يانقاها .. بالله أباسألكم وابي تْجاوبوني

أحدن يلوم القلب لأقفى بغلاها .. وصارت تعادل كل شيٍّ بكوني ؟!


م / ن