[عبدالله الحديبي]

جديدة "
30/4/1434هـ


يا شبيه الشمس في ذيك المشارق
ما تحس انك مطوّل في غيابك ؟

شوفني في غبّة الاشواق غارق
وساحلي معروف . عند اطراف بابك

كلما تسمع لذاك الباب طارق
لا تخاف ولا تسارع في حجابك

ذاك شوقي جاك . فيه الدمّ حارق
ودّه يشوفك .. ويهنى باللقا بك

وانت لايح في سما مْواصلك بارق
برق كبرٍ .. غرره زينة سحابك

لا تحسْبَ الزين يصنع فيك فارق
وش تبي بـ النار لاكثرت ثيابك

الغلا ما يحبكه غصب ومطارق
التواضع يحبكه لـَ بْغيت حابك

كان ما جابك هيامك فـ انت فارق
وهات عمري . والله يخلي شبابك

* عبدالله الحديبي