[برق الغمام]

السلام عليكم ورحمة الله و بركاته

هذي قصيدة بدائية متواضعة في هذا المنتدى الرائع
و هي اول مشاركة و ارجو ان تنال اعجابكم

يا قلب من غيّر طباعك و عبّاك
و اقفيت ما تدري من اللي تصيبه
امسيت في ليل الخفا تجمع اخطاك
و اصبحت تبحث من هو اللي تعيبه
حاولت تظهر ما بداخل ثناياك
لكنّ ما تخفى على القلب ريبه
و ابديت لي حبك عسى الله يبلاك
و اخفيت نارٍ تشتعل من لهيبه
سميتني غالي و بالقلب مثواك
و ارسمت لي شخصٍ ينور بطيبه
يا غبن قلبي يوم حاولت ذكراك
و يا حرّ قلبي لا تناسيت عيبه
يا خافقي بالله من هو قد اعماك
و البسك ثوبن قد تغبى بخيبه
معقوله انه شطّب اسمك لينساك
ماهي بعيده لا ولا هي غريبه
نون العيون امسى معلق بلقياك
و اصبح يدور من يحل المصيبه
اثر المصايب سهمها حيل فتاك
و اقوى علاجٍ للمصايب نجيبه
ماني بذاك اللاش يطعنك بقفاك
والى حضرتْ اصبحتْ عشْقُ و حبيبه
اوراقك اللي تختفي بعد لقياك
يا ليتها تظهر بصدقٍ و طيبه
يا قلب من هو غير اسمك و سمّاك
امضيت عمرك ع الخلايق رقيبه
افناك قلبي قبل مَ العين تفناك
و النفس طابت بالجفا و ارتضي به

بقلمي ....................