[ابو عازب العدواني]

القصيدتان تحملان الكثير من جمال ابياتها وقوة معانيها وهدفها
ولهذا جعلني اوردها لكم
البدع من الشاعر محمد بن حوقان
والرد من الشاعر عبد الله البيضاني



الـبــدع : مـحـمـد بـــن حــوقــان

ياشــبــاب الممـــلـــكـــة مــا الله خلــقـنــا مثل غيرنا
تــعــــرفـــون ان الله أعــطــانا زمام العالم الإسلامي
واحـــنـــا للــعــالم مثيل القلب مثل الروح للجــســد
من يقتل دون أرضه وعرضه وماله له شرف وشهادة
والجــهــاد إلـى طـمع فينا العدو في عــقــر دارنا
ساعـــتــهــا مــا للــبـلاد إلا الرجــال ولا لنا غير انــتـم
من تغيَّـب عن مـيـــادين الـــشـرف ما ينحسب رجــال
واللي يسعــى للريادة والقـيــادة ما يـــروَع قومـــه
الـــذي مــد الـــشرَك للأبـــرياء صادوه بالـــشــروك
والخيانة في تراب ارض الوطن ما هي بجــرم عادي
حكمها عندي مثيل اللي يخــون العهد والمـيـثـاق
والونعم ما يعشق إلا ديرته لو مسكنة في عــشَّــه
وإلا خــيـمـــة بــالــيــة وإلا خــدور مــالــهــا جنوب
انا عندي متر في مترين قبر في حماي وف ارضي
خير من قصـر خمس نجــوم في شاطي سويسرة



الرد من عبد الله البيضاني الزهراني :


يا بلادي لو يحوم الطير فوق ارضك يغيرنا
نحرب الحراب من دون ارضنا ونسالم الإسلامي
نقطع العظم المريض إن كان ما شفنا العلاج سد
عندنا التوحيد والتوحيد مــصدره قوةٍ وشهاده
نلـجـم الخـصـام مهما صدنـا عـنها ودارنا
خطوة الإنسان له وإلا عليه إن هو تقصر وان تم
والعــقــوبة مرة ياجي لها سرعة ومرََََ اجال
يابو متعب جيشنا سيل مـطـاليعه تروع قـومه
لو بترميهم في النار أثـلـجوا صدرك وبشروك
السعوديـيـن يحـمون الدخيل ويلطمون العادي
واسم ابو متعب يغذي الروح ويزيد البنا مـيثاق
كل غرسة تنزرع تـثمر ومن غداك بكره عـشَّه
والصحيح ان أغلبية عسكر الدولة من الجـنوب
بالله ياراع الفتن لا تفرض افكارك علينا فرضى
خيرة الله ابتعد ع الخط الأعوج والسوي سِـره








في امان الله