[الفقير الي ربه]

[frame="8 80"]

لآضاق صدرك عالي الصوت جره
لو كان قلبك ما يطاوعك مسرور
-
دنياك لو تسوى من الحِزن ذرّه
ما كـــان تاليها توابيت وقبور

وما كان للكافر بعمــــره مســــره
وما شفت في ملكه ملايين وقصور

العمر يمضي بين حلــــــوه ومـــره
والموت حق وقابض الروح مأمور


دام الحيـــــاه الفانيـــــة مستقــــره
ورزقك يجيك وبين الأجواد مستور


لا تنشغل بالوقت بـــــرده وحـــــره
واحذر تصير بقسمة الناس مقهور


وحكم القدر لاجـــــاك خيره وشره
أشكر عظيم الشان والذنب مغفور


والمجلس اللي يزعجك لا تمره
خله تراك بشوفته منت مجبور


والرجل سقها في صحاصيح بره
ومد النظر ما بين ريضان وزهور


لا صار وجه القاع ما فيه جــــره
والمشي حافي والثرى تو ممطور


ساعـــــات صمتٍ ما وراها مضره
تسوى الكلام اللي به إذنوب وإشرور


أطلق خيالك وأترك النفس حره
وخل الطبيعه في حياتك لها دور


وبالليل لا بانت نجـــــوم المجّـــــره
أذكر بديع الخلق بـِ إحـساس وشعور

واسجــــد لرب الكُــــون مره ومره
وإحفظ لسانك وأترك الكذب والزور

وفروض ربــــك خلـــــها مستمره
وطاعتك لا يدخل بها نقص وقصور
------
للفايدة

[/frame]