[ابو احمد العدواني]

الله يشفيه ويقومه بالسلامة
شكرا لك على الاعلام

ألا ليت الزمن يرجع ورى وإلا الليالي تدور ...
يرجع وقتنا الأول وننعم في بساطتنا
زمان أول أحس انه زمان فيه صدق شعور ..
نحب ونخلص النيه وتجمعتا محبتنا
زمن مافيه لاغيبه ولاحتى كلام زور ..
ياليته بس لو يرجع ونسترجع طفولتنا
صغار وقلوبنا بيضا نعيش بعالمٍ محصور ..
ولا نعرف أبد أغراب ماغير عيال حارتنا
صحيح صغار بالتفكير لكن ماعلينا قصور ..
نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور ..
نحاول نزعج العالم بروحتنا وجيتنا
وعشان نأخر الحصه نخبي علبة الطبشور ..
نشاغب بس في الآخر تميزنا براءتنا
نحب الضحك والبهجه نحب ننط فوق السور ..
نفرفش ليه ما نفرفش ؟ مادام الضحك عادتنا
ولكن دارت الأيام وبان الخافي والمستور ..
وصار الهم متعلق على قمة سعادتنا
كبرنا وصارت الدنيا تصف أحزاننا بالدور !!
وتهدينا الألم والهم غصب عن عين رغبتنا
تعبنا من بلاوينا أحد ضايق وأحد مقهور !!
وكلآ غارق بهمه و بالآخر تشتتنا
وأنا ماأقول غير إنه ألا ليت الزمان يدور ..
ويرجع للورى فترة نعدل وضع عيشتنا