[بن حكمان]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لا والله الا الناس ما عد بهم خير=الكون نفسه ما حصل به غيارة
الناس من سئ لـسئ عالسير=والا زمنّا ما تغّير مسارة
نهج العقيدة عندهم صار تأخير=والاّ التخلف عنه..أصبح حضارة
جنادرية قايمة دون تفكير=رقص ومجون ومركزاً للدعارة
تطرد رجل دين وتدخّل محاقير=والفن كلاً شار بإشعال نارة
أمة جهل..أمه تحب التسايير=حتى ولو خلف الردى والحقاره
حرس وطن ..لا..لا..حرس للمزامير=حتى أخمدوا نور الهدي والانارة
وساروا ورى قوم عليهم محاذير=قلوبهم ماتت وسارت وبارة
أهل ردى أهل فتن ثله رجال محاسير=قمة فشل/ قمة ردى/ الاّ عقولٌ صغارة
تراثنا ما هو بلبعه وتنكرير=نصدح بصوت الحق با أعلى منارة
ما كن جدي يزدري فلعة الخير=ذا موطن الهادي وذا حدّ دارة
فعله شنيعه دون حقٌ وتبرير=تطرد رجل دين/وتحامي حمارة!!!
وين الرجولة وين حق المغاوير=اللي تحامي ديننا عن جدارة
أهل التقى أهل النقى/ يا معازير=وش هو الرجل لا باع دينه وعارة؟؟؟
الصقر صقرٌ..يعرفون المصاقير=ما تسكن البومه أبدا في وكارة
وانتم دجاج وقوم ذل مخاسير=خلف الردي تمشون تبعا بثارة
عيب عليكم يا حرسنا المغاوير=وين العقيدة والشيّم والجسارة
تفكيركم ساير ومن دون تدبير=صرتم ورى أريام الدنا والحقاره
اللي يبع الدين ماعاد به خير=وأنتم اضعتم دينكم,,, (يا خسارة)



[/poem]