[علي الحسني الزهراني]

[poem=font="Simplified Arabic,4,#000000,normal,normal" bkcolor="" bkimage="" border="none,5,#400000" type=2 line=0 align=center use=ex num="0,#400000"]


على نبض المواجع والطريق المُتْعِب المُتْعَب = ورهبة ظلمة المسرى سريت اقدح ضيا فكري
تركت الخوف خلفي عند قومٍ مالهم مذهب = غشاهم ليل يغشى ليل سود قلوبهم تدري
سريته ممتطي صهوة جوادٍ للمدى ينهب = وسيفي برق يجتاح الدجى يسبق خطى فجري
رفيق الدرب قلبٍ في الوغى مقدام ما يرهب = بصعبات المواقف ساكنٍ ما كنه بصدري
رقيت جبال ما تنطال لكن عزمي الأغلب = تجاوز كل هامه عيبها ما قدرت قدري
محال اجتازها لوما شموخي يعشق الأصعب = والاصعب من كذا نفسي قدرت اجتازها بدري
أنا يعرفني اقراني عصامي الهوى ما ارقب = لمنه تحسب لغيري وهذا طبع من صغري
ولو روحي وهي روحي وهي لي من سواي اقرب = نوتني بالخيانه عفتها وامسيت في قبري[/poem]