عندي سؤال ياكرام .
الحين الملك الله يطول بعمره ليه دائما يوجه بأمر صلاة الإستسقاء مو علشان يجينا المطر ؟
وجانا المطر اللهم لك الحمد والشكر وغرقنا في شبر مويه !!
سؤالي
ليه ولي امرنا مايوجه أمر باجتثاث كل مفسد يسرق ميزانية الدوله التي خُصصت للمشاريع
مثلا
ليه مايتابع المشاريع الي اي كلام ويتابع المؤسسة او الشركة الي تبنت هالمشاريع المتهالكة ويضربها بيد من حديد ؟
إلى متى يابو متعب والمفسد يسرح ويمرح بيننا والله ملينا
تلمح يابو متعب تيه الصوره بالله ترضى ان شعبك يصير هذاحالهم ؟
وامح في تيه الصوره وشوف الفرق بيننا وبينهم !!
ليش ماعندنا كماهم جسور ع الانهار وانهار فوق الجسور
احنا بس نبغا تصريف مثل العالم علشان مو كل يوم تتعلق الدراسه
والا ترضئ تشوف سفان الوطن وعماد المستقبل كيذا يناقزون لو واحد يطيح ع وجهه انكسر راسه وصار عاله ع الوطن
نتحرى منك ياوالدنا العزيز نظرة حانيه ابويه مثلما اعتدناه منك
تصلح فيها احوال شعبك وابناءك وان لاتأخذك في الحق لومة لائم
اي مفسد لاترحمه
واي متهاون لاتسامحه
واي متسيب لا ترأف به
بطانه لاتخاف الله فينا غيرها وبدلها
قول لهم يتقون الله فسيحاسبون ويقفون بين يد الله
دخيلتك يابو متعب املنا فيك كبير
مستقبل ابناءنا مهدد بالخطر اذا استمر الوضع على ماهو عليه الآن
لا تخذلنا يا والدنا الغالي