رد: أجـمـل أبـيـات الـقـصـيـد ...
تحس فيني ؟ من دواعي سروري /
توّك تحس الحين في صمتك و فيّ ،
الحين توّك ( تستلذ بـ حضوري ) ؟
الحين يعني صرت في دنيتك شيّ !
انا عطيتك من حياتي شعوري /
إلا عطيتك كل ما تملك إيديّ ،
دورك : تجاهلني وانا كان دوري /
أموت بك والقاك من موتتي حيّ !
الحين تستبشر بـ نشوة مروري ؟
وبعد الهجير تشوف في قربي الفيّ /
الحين توّه شع فـ القلب نوري ؟
بعد ظلامك بدّد بـ عيني الضيّ !
واليوم ماعاد " اهتمامك " ضروري ،
متّك عطش وش عاد ينفعني الميّ ؟
ماتت على غصن المحبه طيوري ،
ماعاد تنفعني احاسيسك بـ شي
❀✿
ـــــــــــــــــــــــــــــــــــــ
|