اكبر قهر لاخاب ضنك بالاصحاب
واكبر مصيبه موت بعض الاماني
تمضي بنا الايام ببنود وحساب
وياويل منهو عاش جاحد اناني
لي رحلةٍ فيها تعلمت الاداب
وامسيت من تعليمها شخص ثاني
رحله بها راسي مع المرحله شاب
وكانت تفاصيل النهايه ..جناني
واليوم انا مالي بنظرات الاعجاب
حتى ولو كان الحدث امر ثاني
خذ منوتك من دون ميعاد الاحباب
وارسم حدودك وابتعد عن مكاني
اللي حصدته من قديمين الاقراب
يلزم حدودي رغم لهفة حناني
ماعاد لي خاطر بوافين الانساب
مما حصل عافت حياتي زماني
حتى انني البس مع الوقت اثواب
تعكس حقيقة شخص تافه اناني
ببقا كذا وانكر تهاويل الاهداب
وبتبع رضا بالي ولوه طواني
دام الهوى يخفي من الامس انياب
وش غايتي من شئ ياما اذاني
ابعتذر واغلق من الحين الابواب
وانت اكتفي دام المعاني معاني
الله وكيلك خافقي مابعد طاب
والجرح ما فارق كياني ثواني
هذا النصيب وصاب له شخص تواب
والمعذره ممن بطيبه نواني
الله معك ماكنت بالحيل صواب
شف غير قلبٍ عاش عمره يعاني
وصلك خطر يخفي مع الفجر اتعاب
ياصاح من كل المخاطر ..كفاني
وزنك ذهب صافي ومافيك منعاب
تشهد لك النضرات كانك تراني
فيك الحسن كامل على دين وكتاب
وفيني من الماضي مخاوف جباني
القصيده لي انا
الشاعر :عبدالرحمن ابراهيم الدوسي