يابن دعيلج قلبي اليوم منصاب
ماني على خبرك ضحوك(ن) مزوحي
قلبي تفتق ياسليمان من غاب
وأقفى ولا لد النظر في جروحي
يتحطب الحدب المحاني تحطاب
ويشبها والقلب منها يفوحي
وأنا اخبر ضلوعي شديدات وصلاب
لكن بعد فرقاه صاحت تنوحي
لو كان ينفع من عشق ذكر الانساب
ما كان شفت الزين يجتث روحي
ياناشد(ن) عني ترى الحال ماطاب
روحي من الهجران خطر(ن) تروحي
أول طموحي ضمته من ورا الباب
واليوم نظره من عيونه طموحي
في ما مضى مابيني وبينه حجاب
واليوم مابين الثرى والسفوحي
وسلامتكم
عبدالمحسن بن عطية