[عبدالمجيد العدواني]

.
.

سالم

.
.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ما الوم جوك لو تضايق يا جـده=وما الوم صبحك لو تغير جمالـه
ولا الوم بحرك لو بجزره ومـده=وقف وموجه ما صفق في رماله
الحزن واحد والصبر فاق حـده=نبكي على سالم ومن شوقنا لـه
صحيح له من يوم ما مات مـده=لكن الين اليوم فينـا غلـى لـه
نتذكره فـي كـل رجـل ٍ نـوده=ونتذكره في طيب خاطر عيالـه
كريم بين الناس مـا فيـه نـده=الناس في كفـه وسالـم لحالـه
يا كثر ما مدت من الخيـر يـده=تعطي يمينه ما درت به شمالـه
عزيز نفس يزيد في كيـل مـده=ما هو من اهل المصلحه والبخاله
ما قد نصاه انسان يطلـب ورده=ولا يعتزي به شخص ٍ الا وفى له
واذا وعد يوفي ويقضي بوعـده=واذا بـدا جمّـل بوجـه ٍ بدالـه
ابـوه بأيـام الشقـى والمكـده=حكيم ما سوى سـواة الجهالـه
ابطى يدور فـي خوالـه وجـده=حتى يجي سالم يشابـه خوالـه
ورباه لين اعتـد واشتـد زنـده=وارسله في دربه ووجه رحالـه
وعزالله انه كـل مبـدى يسـده=ما فيه رجم ٍ عالي ٍ ما رقـا لـه
له فكر مثل الصقر محد ٍ يضـده=يحوم به لا حان موعـد نزالـه
وعلى الثمينه والسمينـه يهـده=حتـى بمخلابـه يحصّـل منالـه
رحل ولا بين على النـاس سـده=ولا لغيـر الله وجـه ٍ رجـا لـه
يا جعل ربي فـي نعيمـه يمـده=في جنة الفردوس والحور فالـه
واليـه بالغفـران جعلـه يـرده=هو عالم ٍ بامره وعالـم بحالـه
العمـر مهمـا طـال لله مـرده=له الثنا والحمـد واعمالنـا لـه
فهني من هو خذ من العمر عده=صلاه واستغفار واحسن خصالـه [/poem]

.
.

عبدالمجيد العدواني

.
.