[محارب التنين]

وينك يا يمه
قلبي ..من يضمه..
البعد ..عذبه...
والشوق راح لمه..
كنت تناديني يا صغيره...تعالي البسك الثوب
وازين لك الضفيره...
خذتنا الايام...والصغيره صارت كبيره..
وينك يايمه..
صرت اخاف الليل
من اول ما كنت اهمه...
صاحبي قلم...ونيسي ورق...
الحقيقه خيال ..فرحي انسرق...
وينك انت بس يمه...
قولي بس من اروح لمه....
كنت تفتحين باب غرفتي....
تطلين,,وينك ياغنوتي...
اشوف وجهك تشرق دنيتي
كنت بنت كل صبح تضوي..
تركض مع العصافير ....تضحك
تلم الورد..تنثر العطر..تحلم حلم وردي..
وتمر الليالي...والدرب يصعب..
والزهر يذبل.....وشمعتي تذوي...
وينك يا يمه....
ما بقى بقلبي فرح...
ما لقيت ورد اشمه...
وين صدرك اللي كنت اضمه...
احلم مثل باقي البنات
اكبر وفي داخلي امنيات..
وانت تناظريني بقلبك
يا بعد عمري متى تصيرين كبيره
ياحب ملا الدنيا...يا اميره....
يمه انا اميره؟؟؟..انت احلى اميره
واكبر وتكبر الاحلام
وتنطوي السنين...وتنسحب الايام
يمه ياشاطي الخير ...ياوجه السعد
يازهره تنثر شذاها..يا برق ورعد
يمه خلي راسي على صدرك ما اقدر اشيله
يا غيث يروي صحاري حياتيوالليالي الثقيله
ياغصن المحبه
ياناي الحزانى
يا نغم الموده
ياليل الحيارى
آه يا يمه...............
كبرت وصار الحزن دربي
كبرت وما صرت اشوفك جنبي..
كبرت يا يمه آه ريتني صغيره
ما بي افل شعري بخليه ظفيره
ما بي احلم زي البنات...ولا احب واعشق...مابي اسافر
كل ذيك الاماني خلاص ما ابيها... ابيك انت بس يا يمه
دمعي همايل..عرسي حزن ...بسمتي كذبه..
نبعي جف ..وردي ذبل..بساتيني اجدبت..
قلبي انجرح....فرحي انذبح.....
آه يايمه
خلاص ما بي اكبر خليني صغيره
اسمعك تنادين وينك يا اميره
تعالي البسك الثوب..وازين لك الظفيره.
آه وينك ....يا يمه
املي تبعثر من يلمه
قلبي الصغير من يضمه؟؟..
تكفين ابيك ...يا يمه..



منقوووول