[علي الزهراني]

[align=center]السلام عليكم والرحمة
احبتي هذه قصيدة احبها كثيرا وكنت محتفظ بها لفتره ، وهي الان بين أيديكم
.. محبتي للجميع والعذر على القصور الدائم ..![/align]

[poem=font="Simplified Arabic,5,blue,bold,normal" bkcolor="transparent" bkimage=""

border="none,4,gray" type=2 line=0 align=center use=ex num="0,black"]
أذكريني في طلوع الفجر يانور الصباح=وأذكريني كل ما هـزّ العقل لحظه جنون
أذكريني في نهار الجدّ وبليل المزاح =وأرسمي عمري بلون وباقي أحلامي بلون
أذكري لحظة فرحنا واتركي عمر الجراح=واذكري قلب ٍ حلف لك طول عمره مايخون
والسماح أن كنت ضايقتك حياتي السماح=آنا من دونك بعد عمري و روحي وش أكون ؟
أنا من دونك : شجاع يخوض حرب بلا سلاح=وأنا من دونك سجون أتعيش في داخل سجون
أنا من دونك صياح الصمت أو صمت الصياح=وانا من دونك ضياع يكون مره ولايكون
الامل حظه مثل حظي تعثـر بي وطاح=والجروح اللي بصدري أورقت نزف وطعون
و أنا يكفيني غيابي لجل كلمة وين راح=وانا يكفيني لعينك تسهر وتبكي عيون
جيت كلي شوق طاير ما كسر حلمي جناح =لا شغلني عنك ضن ولا أشغلتني بك ضنون !
أنتي علمتي الخليقه وشهو عصـر الانفتاح=أنتي ذكرى للحضاره والتقدم والفنون
في حضورك في غيابك أنا عرضه للرياح=ولابقى للطير حيله ، نابت لحزني غصون
أذكريني دام لذكرى مقاليع ورماح=وعلميني بعد هذا العمر كله من أكون ؟[/poem]