[عبدالمحسن بن عطية]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بين الفصول الاربعه طالت مشاوير الكسير=تاهت به الخطوه ولا قدرت تشيل حمولها
فصل العنا ذبلت به اوراق الغلا والحزن طير=غرد على غصن الجروح وزاد من مفعولها
ياغيمة المشتاق هلي وانثري الدمع الغزير=عل الدموع الحايره تنهي عذاب ذبولها
البارحه صاح الحنين وهزني شوق(ن) كبير=واستنطق اللي داخلي عامين ولا حولها
الشاعر اللي كلمته تجرح كما السيف الشطير=والكلمه اللي وسط قلبه في الوجيه يقولها
اللي فقدته مدت(ن) يالله عسا فالعلم خير=غاب وترك لي اسئله ولا لقيت حلولها
ياصاحبي ليه التغلي وانت لي خل وعشير=وانا الذي طوعت لك نفسي بكل ميولها
وازعلت لك كل العواذل من كبير ومن صغير=واكبر مساحه داخلي لك عرضها في طولها
واللي تبيه يصير صيرته لو انه مايصير=لو قلت لي نول الثريا قلت لك بانولها
اهديتك ازهار العمر واهديتك الاحساس غير=بعت البشر برموش عين(ن) زاهيه بكحولها
اسقيت حبك من مزون الفكر باحساس(ن) غزير=واخضعت لك ارض الهوى بجبالها وسهولها
لكن قلبك صك باب الحب وعنادك خفير=ولاقدر صدقي ولا شوقي يفك قفولها
صرنا انا وياك في الدنيا مثل دلو(ن) وبير=تغرف من اعماقي الحياة لغيري وتعلو لها
الحر مايبغى حد(ن) يستعبده يبغى يطير=والحب مايبغى كلام الناس يبغى فعولها
اللي يحبك صدق ياقلبي يجي لو هو ضرير=كم ناس تاهو عن دروب الحب ما وصلو لها
من قبل ختم السالفه عندي لك اسوال(ن) اخير=من ضمن عدة اسئله ولا لقيت حلولها
ليه الوفا في هالزمن نادر وتاريخه قصير=ليه التكبر والخيانه ساري(ن) مفعولها
[/poem]

وسلامتكم
عبدالمحسن بن عطية