شفت الحقيقه عكس ماهي ف الخيال
الظاهر اني كل ذا الوقت نايم
طولت بالغيبه وقلت اعطي مجال
لااشواقهم يمكن تهل الغمايم
رجعت شفت احبابنا كلٍ بحال
البعض باقي مثل ماكان صايم
واللي استحى مني سألني ثم قال
من طول الغيبات جاب الغنايم
اهل المصالح هجرهم ماهو محال
دستورهم بالوصل ماهو ب دايم
عنهم مقامي بارفعه باعلى الطوال
واصبح مثل شاهين ف الجو حايم
ماعاد لي بمرافق اشباه الرجال
ب الشيله ليت يبدلون العمايم
اعيش انا في وحدتي مرتاح بال
وانسى زمانٍ عشت بين البهايم
............................................
سامي العويفي