رد: مواقف طريفة
بأقولكم على موقف حصلي اليوم والى اﻵن وعقلي يرج منه
تخيلوا اليوم الصباح صديق اخوي واقف برى منتظر أخوي برى وسيارة أخوي اليوم بالورشة وأنا السواق متأخر علي وكانت سيارة الرجال مثل سيارة السواق المهم سمعت صوت السيارة وطلعت مستعجلة وفتحت الباب وركبت وكنت مشغوله ادق على زميلتي حتى اعلمها اننا بالطريق واشوف السيارة ماتحركت وزوجة السواق ماهي موجودة والرجال مسكين ساب السيارة وطلع والله العظيم وقتها حسيت يديني ورجولي انشلت واطلع من السيارة ركض والاقي اخوي واقول له بأعلمك بشيء قبل لا يجيك الخبر من برى تراني ركبت بسيارة زميلك أحسبه السواق وترى حصل خير والرجال مسكين متشرق برى بالشمس وطبعا حصلت كلمتين خفيفة بالعظم ﻷني ماتأكدت من السيارة والحمدلله انتهى الموضوع على خير
ـــــــــــــــــــــــــــــــــــــ
|