[صالح بن فارس]

[align=center]بسم الله الرحمن الرحيم


يا تهاني !
ياللي كل من شاهد عيونك يعاني ..
لو بيدي ..
كان أغمّد عينك برمشك ثواني !
لجلي أول من نظرتي ..
وماني آخر من سحرتي !
ياللي أحييتي مماتي ..
واستقريتي بذاتي ..
يا تهاني !
لو عرفتي ..
عن مدى حب ٍ لفاني ..
كان زاد القلب من حبك يعاني !

***

ضحكتك ضوت ليالي نور .. يا فجر الغرور ..
ونظرتك شقت جبين الحور .. في ذات الشعور ..
لو تشوفي ..
وجد روحي ..
كيف عدا كل خوفي ..
أو تحسي ..
ما بجوفي ..
كان طرتي من مكانك ..
ثم عانقتي سيوفي !
وألتقت راحات يدّينك ..
براحاتي وكفوفي !
آه بس مليون آه ..
منْك .. من كلمة ظروفي !

***

ضايعه ..
شوق وغرام ..
مفعمه ..
كلها هيام ..
خلت الليل وسكونه ..
بين حرفين وكلام !

***

آه منك يا تهاني !
لو عرفتي ما بقلبي ..
ما تركتيني أعاني !
ما تركتي الشوق عن عينك لهاني !
آه منك بس آه ..
لوني أسمع هالشفاه ..
تنطق احروف الأغاني ..
منك وتجيني ثواني !
بس قولي إن قلبك ..
في الهوا .. أصبح يعاني !
وأبشري بي ..
يا تهاني !


مع كل الود

؛؛؛؛؛[/align]