[جمعان مفرح (ابو طلال)]

اقتباس: المشاركة الأصلية كتبت بواسطة سقيا      مساءك رضا ابو مراد ...

اقتباس: المشاركة الأصلية كتبت بواسطة سقيا      قال المغيرة بن شعبه عن تعداد الزوجات .. صاحب المرأه الواحده عليل ان مرضت مرض معها ..وان حاضت حاض معها ..وان صامت صام معها .. اما صاحب الزوجتين ..فهو بين جمرتين ايهما ادركته احرقته .. وصاحب الثلاث ..يبيت كل ليله في قريه .. واما صاحب الاربع ..وماادراك ماالاربعه فهو كل يوم عريس ..!! ابو مراااد فيه حكمه عند الحريم وهي اللي يتكلم دايم عن الزواج هذا ماينخاف منه .. البلا الساكت هو السم الناكت ... طابت ليلتك ابو مراد ..ولك الاحتراااام

فيه حكمه عند الحريم وهي اللي يتكلم دايم عن الزواج هذا ماينخاف منه ..
والله ياسقيا هذه الحكمة غير صحيحة وأنا أعطيك مثالين
المثال الأول . فيه عندنا شخص عمره الآن 65سنة ومن قبل عشر سنوات امتحنا باتزوج بادق بالثانية من يعرف لي بنت جميلة ولديه زوجة قوية جدا وكلنا كنا نحلف ما يتزوج وزاد صك له بعروسة عمرها 17 سنة وزي القمر
المثال الثاني كان لنا زميل معلم وأحواله المادية ممتازة وكل يوم يقول باتزوج ونحن نعرفه إنسان طيب وأشغلنا إن قام وإن جلس المهم معنا زميل فكاهي ومرجوج قال علي الطلاق انك ماتزوج قال وإذا تزوجت قال والله العظيم لأعطيك عشرة آلاف ريال المهم راحت الأيام وجت الأيام وفي أحد الأيام كنا جالسين في معرض سيارات لأحد الزملاء وإثر الرجال خطب واستملك ولا احد يعلم المهم جلسنا نتحدث واثر الرجال عقد النكاح في جيبه وقد انتهى قال يالربع أبغى آتزوج من يلقى لي عروسه حلوه قال واحد من الزملاء على ماتشهدون ترى إذا تزوج فلان له عندي عشرة آلاف بركة لأنه ماتوقع أنه بيتزوج قام واحد ثاني قال وآنا من عندي خمسة آلاف ريال وعلى الطلاق قال آخر وترون الملكة وتكاليفها انا أقوم بها قال أحلفوا قام كل واحد يحلف ويطلق فقام صديقنا واخرج عقد النكاح من جيبه قال تروني تزوجت وعقدت على بنت فلان وهذا عقد النكاح وانتم حلفتم انت يافلان قلت بأعطيك عشرة آلاف وانت يافلان قلت بأعطيك خمسة وانت يافلان قلت الملكة وتكاليفها علي واليوم وش تقولون وأقسم بالله ياكل واحد منهم لنزل منه برميل عرق ونحن في عز البرد وسلامتك فلا تأمنون الرجال يا أيها النساء الطيبات
فهل ستؤمنين بتلك الحكمة أعلاه يا أخت سقيابعد اليوم
دمتي في حفظ الله