((سارعي للمجد ارددها نشيد))
الوظايف وينها في تالظروف
دام ماشي واسطه عظمى تفيد
مامعك غير التديّن و السلوف
نستلف من زيد مره من سعيد
ايه سعودي مالي منها الا حروف
سارعي للمجد ارددها نشيد
في بلدنا نعتبر مثل الضيوف
الوظايف لجلها نطرد طريد
وظفونا مانبي عشرات الوف
لو ثلاث الاف مانطلب مزيد
عسكري فالخرج والا فالهفوف
او سكرتي حتى لو راتب زهيد
وظفونا وامنعوا حب الكفوف
واتقوا رب الجلاله فالعبيد
ريحونا من قرارات الرفوف
وريحونا من مشاريع الجليد
كل مطالبنا تقابل بالعزوف
صم ﻻ ماتسمعو الشور السديد
ياوطنا لااحتدم ضرب السيوف
والله انّا ع المعارك مانحيد
تحت راية سيدي جينا صفوف
الفراسه في دمانا من تليد
ياملكنا خذ ولانا والحلوف
مانزايد عن وطنا للبعيد
ذا وفانا مالقينا الا جحوف
رغم كثر الخير جعله مايبيد
عايشين بأمن مافي اي خوف
غير مافي بيت او ارضٍ بحيد
ياسعودي ماعلى الواقع حسوف
ادعو رب الكون ذو العرش المجيد
خل من هو باقي ع الدنيا شغوف
الله سبحانه على افعاله شهيد
مافي غير الله بالحاله يروف
نحمده يستاهل الحمد الحميد
ارتجيه انه يعدل لي الظروف
يرزق اللي جيبه دايم ع الحديد
.................................................. .
#سامي_العويفي