" هذا جزانا "
ياذا البرود اللي بقلبك علينا
مدري وش اللي غيرك ياحبيبي
اول تبادر بالسؤال وتجينا
واليوم صار الهجر منك نصيبي
والله ماني خابر إنّا جفينا
نوفي ولو كِنّا بنار ولهيبي
هذا جزانا يوم حِنّا وفينا
تسقي جروحي سم وانته طبيبي..؟؟
ماعاد باقي لي بقلبك حنينا
نسيتني وانته لقلبي قريبي
يعني خلاص ... اليوم حِنّا انتهينا ..؟؟
ترحل وتتركني بحبك صويبي
ماكنت اظنك يوم حنا هوينا
ترضى تشوف القلب بعدك تعيبي .!!
لكن عوافي اللي من ايدك كلينا
درسٍ تعلمته ولاهو غريبي
#سامي_العويفي