[فلاح بن منشار]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقاف كلّ الهيض بين المشاعر=كثر الفتن والهرج في كل دوله
الطاغيه بشار يدمي المحاجر =استخدم الكيماوي وخان قوله
لاكل ماكلمت واحد يناظر =ماغير يلمح لي ويلوي رجوله
فكرت فالموقف ومانيب شاعر =الا بهرج وظلم وتبهرجوا له
لاعاد حوى جملت بالمياثر =وقتٍ عليه ابليس في كل جوله
ضاعت بي الافكار بين المظاهر=من بعد واحسب روحي اليوم حوله
قلت اعذر اللي مايرد ويغامر =واعذر حكيم القوم لاغاب زوله
يوم افتكر في الصمت فوق المنابر=كن اعور الدجال يلبس نعوله
والا نبي الله عيسى مسافر =للارض لان الظلم اية نزوله
واقول خل الناس في كل ظامر=حكم القدر يمضي وماحدٍ يحوله
صمت العرب من هول كل المناظر=ارض العراق ومصر والشام هوله
يالله تحمي ديارنا مالمخاطر =والخير لاتقطع علينا نهوله
وعلى محمد صل وسلام عاطر=نبينا اللي الشرع بيّن اصوله[/poem]