[الماسه وحساسه]

السلام عليكم ورحمة الله وبركاته

مساء الخير.. اخباركم ..
جيتكم اليوم بموضوع اسمه مجاعة الصيف بصراحه لاحظت حركه تصير من الحريم خصيصآ ممن يسكنون الباحه اول ما تفتح صالة الطعام يتراكضن الىيها كانم في ماراثون او ما اشبه بسباق ثيران الحاجه المعيبه اللي لاحظتها الخصها بنقاط..
1/اول حاجه يدخلون الحريم ياخذن الصحون اللي بالبدايه يفرغونها باكياس ويجلسون يتعشون مع الناس يجون الضيوف على صحون فارغه ومافي متسع لهم بالصحون الاخرى
2/الفواكه الوحده كانها نازله سوق الخضار والفواكه تشيل العذق حق الموز كله والعنب تشيل العنقود كله طيب والخلق اللي وراك وش موقعهم من الاعراب يجون ينظفون الصحن بعدك
3/ تساهل وتهاون من الاهالي مايعلمون حريمهم على ادب الاكل وادب الحضور للمناسبات
4/وهو الاهم الحرج الاكبر يقع على صاحب الزواج طيب الشخص تكلف وحاول انجاح حفلة زواجه وعدم التقصير في اي جانب لكن المفجوعات مايخلون الناس تتجمل لازم يشرهونهم
5/ والله عيب وربي انه اكبر عيب تطلع الوحده من الزواج ومعها كرتون مليان عشاء وخلت باقي الناس بدون عشاء رجعو من عند باب صالة الطعام لانهم مالقو اماكن يجلسون فيها او لقو اماكن بس على صحون فارغه
6/ الكثيييييييييييييير وهالشي لاحظته فيهم يتنقدون هالحريم المشكله مايمديها تكمل انتقادها الا شغالتها فوق راسها بكرتون خلاص ماما انا ياخذ علمو حتى الشغالات صارو يسابقون كانهم بمارثون
ع.العموم الخلاصه عارفه انهم اذا اخذو فيه حفظ لنعمة ربي بس بعد ماياكلون الضيوف والله العظيم شي يحز بالخاطر الحركات اللي تصير من حريم كبار المفروض يقيسون الشي على بيوتهم لما يجيهم ضيف بالبيت اكيد يحبون يتجملون مايحبون يتشرهون اتمنى هالشي يتم تداوله بخطب المساجد بالباحه عشان يكون عند الرجال وعي بمايقومون به نسائهم من شرهات لااهل الزواجات
ادري طولت عليكم بس ماكتبت الا من قلب مفقوع من حركات تصير قدامي بالديره وحبيت انكم تتناقشون فيه

ان كان كلامي خطاء فأعذروني وان كان صواب اتمنى تناقشونه بجديه