[بدرالسهلي]

بعض البشر طبعه مقدر ومحشوم
وبعض البشرعيبً علٓيك احترامـه

لاصار نابه من لسانه بمسموم
وش يستره لاصـار عيبه كـلامـه

معروف مابين المطاليق والقوم
والي لهم في كل الايام هامه

المحترم مابينهم عاش مكروم
واللاش طاحت غترته والعمامه

انا لساني بالمجاليس محكوم
وانا وريث المرجله والشهامه

الشعر مابين الرجاجيل مفهوم
والمقصد الي ماعليه الغمامه

علمني الوالد معاليم وعلوم
وقولها والله ولشكي ندامه

يحى لساني يوم حتى بعد يوم
ويضل شاعر لين يوم القيامه