[عبدالمجيد العدواني]

كل عام وانتم بخير

.

يا عيد

.

.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا عيد لو تدري وش اللي جرى لي=حزنت لي يا عيد في ليلة العيد
ولو كنت تدري عقب ما كنت سالي=الهم خاواني من العيد للعيد
من يوم ما قفيت وانا لحالي=واليوم جيت وجت همومي معاييد
وامسيت اضيفها واسوق الدلالي=واسامر احزاني وربعي مهاجيد
ما غير اصارع هاجس ٍ في خيالي=واصيح واهني لكل المواليد
واحن لا هبت هبوب الشمالي=وابكي جفا من زودت كيدها كيد
اللي سقتني حب صافي زلالي=اليوم عكره الزمن والتناكيد
اومي لها وتصد لا جت قبالي=وارفع لها صوتي وانا ماني بعيد
اغليتها من قلب غالي لغالي=واسكنتها صدري بعد فلت الجيد
ومن حبها لا ضاق وقتي ومالي=كتمت لا تسمع بصدري تناهيد
كانت معي ما كنها الا ظلالي=وتغار لو سولفت في مجمل الغيد
واليوم راحت يوم ماجا ببالي=ان البشر ما تلتزم بالمواعيد
راحت وهي تهمس بماله ومالي=راحت وخلت لي جروحي محاصيد
ومن عقب ما غابت عن العين تالي=ناقشت لين اني فهمت المقاصيد
واصبحت واهمومي بثقل الجبالي=متورط ٍ والروح جاها تعاقيد
يا عزتي يا عيد مما جرالي=ما فدت غير الهم شف عاد ذا الفيد
لو شفتني يا عيد وشلون حالي=هليت دمعك لين تروي به البيد
ولو شفتني يا عيد عقب التعالي=بانت على وجهي شحوب وتجاعيد
يمكن معاها ما لحظي مجالي=احسني تايه ولا ادري وش اريد
ياليت لو يجرى لها ما جرى لي=وتذوق طعم الحزن في ليلة العيد[/poem]

.
.

عبدالمجيد العدواني

.
.