[عبدالله الطنيني]

الفكر المنحرف ، وقيادة المرأة

[poem=font="Simplified Arabic,6,green,bold,normal" bkcolor="transparent" bkimage="" border="double,4,indigo" type=1 line=0 align=center use=ex num="0,black""]
علمي عِفاكم واسمعوا يـا جماعـة=الديـن جوهـر تاجنـا والـقـلادة
نـورٌ علـى درب الهدايـة شعاعـه=من يحمله هـو مستحـق السيـادة
والعز فـي نهـج النبـي واتباعـه=وبهـا ننـال امقوّمـات السـعـادة
هذا السعـودي مسلـمٍ لـه قناعـة=على الشريعـة منهجـه واعتقـاده
حفظ الشرف والعرض هي من طباعه=مـن دونهـا صعـبٍ قـويٍ عنـاده
من موبقات الغـرب عنـده مناعـة=مـا دام ربـي كـرّمـه بالعـبـادة
لمحاربـة لشـرار عنـده شجعـاة=حتى عجـاج الشـر يرجـع بـلاده
لبرالـي التفكيـر نكشـف قنـاعـه=تظهـر تجاعيـدة وبيّـن ســواده
أقبـل وهـو متحمـسٍ باندفـاعـه=للغـرب سلـم طاعتـه وانقـيـاده
يبغـى يحقـق غايتـه وانتفـاعـه=متحمّـسٍ لـلإدز يفـتـح عـيـادة
دماغـه المغسـول غيّـر طبـاعـه=فكـر التّعـرّي دايـرٍ فـي خِـلاده
ألله يهولـه كيـف لـي بانطباعـه=لو تنجرف بنت الشرف فـي فسـاده
أين اهتمامـه بالقضايـا المشاعـة=يحرص على شمل العـرب واتحـاده
فـي مجتمعنـا لا يـدوّر خـلاعـة=يروح فـي باريـس يلقـى العـرادة
في ظاهـر المعنـى يبيـن دفاعـه=عن صالح المـرأة ويخفـي مـراده
قصـده حياهـا يخدشـة بانتزاعـه=والمسـخ للنسـوان بيصيـر عـادة
ألله نفـى عنهـن صـلاة الجماعـة=وكيف حن نسمـح لهـن بالقيـادة
قـدر السعوديّـة يزيـد ارتفـاعـه=بنت الشرف بنـت الغـلا والريـادة
وحقوقهـا فـي منهـج الله وداعـة=محفوظةٍ مـن دون نقـص وزيـادة
ماهي بهيمة سوق مثـل البضاعـة=يظفر بهـا مـن يدفعـون الزيـادة
والا غنيمـة مـن يريـد الطماعـة=والا طليبـة قـرد وابـن الـقـرادة
أرجل من الي في الصّحف والإذاعـة=يبغـى يضيّعهـا وهــذا بـعـاده
من جا يكيل العيـب ينكـبّ صاعـه=في سوقنا منقـوص ماهـو زيـادة
بنزبن العاقد(1) وتبقى القُصاعة(2)=منفيّـةٍ مـاهـي تمـتّـع جــرادة
مفتاح باب الشـر بئـس الصناعـة=نقضي على من يصنعه فـي مهـاده
وغرس الردى واجب علينا اقتلاعـه=ونحـرم الـغـاوي شـرابـه وزاده
مـا يستمـع لمروّجيـن الإشاعـة=إلا غبيٍّ مثـل ثـور الضِّمـادة (3)
نعـم نعـم للحـق سمعـاً وطاعـة=خلف العلم لخضـر وفيـه الشهـادة
إمـا اختـلاطٍ فيـه شـر وشناعـة=بنحاربـه مـن دون ليـن وهـوادة
ومن يتبع المختـار نـال الشفاعـة=في موقـفٍ ربـي يحاسـب عبـاده
[/poem]

الحقوق محفوظة

وسلامتكم

(1) العاقد : هو صافي الحب ،بعد تنقيته من الشوائب ،
(2) القُصاعة : هي مخلفات الحب بعد تنقيته
(3)الضـِّمادة : هي المضمدة (المقرنة ) التي يقرن بها الثورين لجر المحراث